تويت
البوست دة مهم جداً وهتستفادو كتير منو?
إليكم" اشهر 5 نباتات عطرية منزلية وهم
✅النعناع
✅الريحان
✅الروزماري
✅البردقوش
✅العترشان
معظم الناس مش بتعرف تتعامل معاهم للأسف
معظم الناس بتحب تروي وتغذي النبات وفجاه يبدأو يشكو ويعيطو من تدهور صحة النبات
طيب يجماعة اول معلومة لازم تعرفوها ان النباتات الرائعه دي مش بتزرع في البيت عشان تتفرجوا عليها
لا خالص ولله.....
-
النباتات دي بتتزرع عشان تستخدموها في المطبخ سواء كمشروب او عشبة تدخل في طهي واعداد بعض الأطباق ✅✅
-
طبعا اكبر ميزة لزراعة النباتات دي في البيت ان ربة المنزل تقدر تستخدمهم فريش من الاصيص عالاكل او عالمشروب مباشرة وده بيخلي نكهتها قوية جدا وكمان بتكون محتفظة بفايدتها ?? ??
-
عشان النباتات دي تستمر معاكو لازم تقلموها مرة كل 45 - إلى... 60 يوم
زي ما بنقلم أظافرنا كدة ??
وقلم النبات يعني قص النبات على مسافة 5- 10سم من سطح التربة
-
طريقة التقليم بمقص وبتكون بترك فرع او اتنين عالنبات وقص باقي الفروع على بعد 7 سم من سطح التربة
-
وممكن انكو كل فترة تقلموا القمم النامية للفروع ليزداد التفريع الجانبي للنبات وده زي النعناع والريحان
-
نبات زي الريحان بيكون المواصفات العطرية للورقة رديئة عند ظهور الشماريخ الزهرية لذلك لابد من ازالة الشمراخ الزهري كلما ظهر لانه هياثر عالنبات
-
بعد كل مرة يتم فيها التقليم يتم عمل ريه مشبعه للنبات مع خلط كف ايدك كمبوست علي سطح التربة
ده طبعا هيساهم في دفع النبات للنمو مرة اخرى.