تويت
El-Sayed Abo El-Naga
حسب .. حساب .. حسبة .. محاسبة
زمان كانت مادة "الحساب" أساسية, وكان الإسم له علاقة بعملية الحساب والأرقام!
وبعدين سموها "رياضة" بس عشان ميزعلوش المجامع اللغوية العربية!
دلوقتي ضيعو ملامح المادة خالص وبقت: ماس!
...............
كانت المادة لها علاقة بإسمها, يعني تقول: احسب يا وله .. احسبي يا بت .. دلوقتي هتقول إيه: رايض يا وله؟ مسمسي يا بت؟
.............
إيه المشكلة يعني يا حاج "طارق"؟
أنا عارف إن مش هوه السبب, ولا هوه اللي غير الإسم, بس بإعتباره شايل الشيلة يعني! وبإعتباره الوزير اللي سايب "الهوية المصرية" تضرب تقلب, ومشغول بـ "صقل الهوية العربية"!
ولا عشان كلمة "حساب" مصري أصلي, تبقا بلدي وكخة وعيب؟
...........
حسب, وحساب, وحسبة, ومحاسبة, ومحاسب بيحاسب!
وحسابنا كلنا "يوم الحساب"!
.............
حتا معنا الكلمة اللي فـ الصورة شامل كل العمليات الحسابية والرقمية والتسجيل والمراجعة والتصحيح .. لخ, لدرجة وجود: "بر-حسبت/ بل-حسبة" ومعناها = "بيت المحاسبة", يعني مكاتب المحاسبة وديوان المحاسبة من آلاف السنين يا محاسبين!
...........
#بنتكلم_مصري يا وزير التعليم
...........
#اللغوة_المصري_أصل_الكلام يا حاج طارق
...........
وسلامو عليكو..سامى حرك