تويت
-في "ليالي الحلمية" بقى كان من الأول دورك هو "سليم البدري" يا دكتور يحيى ؟؟
=لأ ، كان سليمان غانم
-طب ايه اللي حصل ؟!
=اللي حصل ان أسامة أنور عكاشة حاول في الأول يقنعني بسليمان غانم وقالي ان هو اللي فيه الكوميدي واللذيذ
قلتله "بس أول 5 حلقات كلهم سليم البدري" ،
قالي "لا ده في الأول بس بعد كده سليمان هيطغى على المسلسل" ،
طبعا كلامه كان صح بس انا مشفتش نفسي غير سليم البدري ..
بعد ما استقريت انا على سليم البدري كان اللي هيعمل سليمان غانم هو سعيد صالح بس اعتذر ،
فأنا رحت اقنعه وقلتله "ليه يا سعيد مش عايز تعمل الدور ؟!" ،
قالي "لا يا عم انا عندي مسرح وبعد المسرح بروح اسهر مع اصحابي لغاية الصبح فهاجي اشتغل معاكم ساعتين بس في اليوم !" ..
قلتله "ساعتين ازاي يا سعيد ده انت هتبقى بطل المسلسل قصادي ؟!!" ،
قالي "هما اللي عندي ساعتين ينفعوكم ولا لأ ؟!" ..
طبعا مينفعوش فرحنا بعد كده لصلاح السعدني ووافق وعمله حلو اوي
-كنت متوقع بقى هذا النجاح الأسطوري للمسلسل المستمر لحد النهاردة ؟؟
=شوفي انا أول ما خلصت قراءة أول 5 حلقات بس من المسلسل كلمت أسامة أنور عكاشة وقلتله :
"سيكتب في تاريخنا الفني ان ما قبل ليالي الحلمية غير ما بعد ليالي الحلمية" وحصل فعلا ❤️