تويت
Books, Movies, Art, Music & Science ????????????????????
Samah Saleh Mohammad · ١٠ يونيو، الساعة ١٠:٥٣ م ·
لساتك عم تتسائلي بينك وبين حالك إذا مسموح تفرجيني عالتلفزيون أو الموبايل وأنا لساتني بعمر ال6 شهور يا ماما ؟عم تتناقشي مع أمهات الحارة كمان والتيتا وخالاتي المصروعات وما عم تسألي العلم ؟
تعالي حتى العلم يجاوبك بلساني
حسب #الأكاديمية_الأمريكية_لطب_الأطفال لا ينصح أبداً بالتلفزيون واليوتيوب والشاشات كلها قبل عمر السنة ونص 
للأسف أنو يا ماما شافوا أنو الأطفال يلي بيشوفوا شاشات قبل هالعمر بكون نمو دماغهن أبطأ ، لغتهم أسوأ ، مهاراتهن أقل وحتى نومهم مو زابط لهيك بهاد العمر الحساس لازم نخلي مشابك دماغنا الصغير الحلو ينمو ويتطور من خلال التواصل البصري الواقعي وليس الشاشوي
مبسوطة بعد عمر السنة ونص مسمحلي أتفرج وترتاحي مني كم ساعة ؟ 
لا تنبسطي ، كمان بعد هالعمر ولعمر ال5 سنين مو منصوح بأكتر من ساعة مشاهدة فقط
والله وللأمانة أنا زعلان لأنو في كتير شغلات حلوة باليوتيوب .. ضرب الصوصة ويلا تنام وهالصيصان شو حلوين 
وبما أنو العلم بيجرح والعلم بداوي فالعلم يا ماما عطانا اقتراحات لنحلّ عنك شوي افرشيلي الأرض مكعبات وألعاب وتركيني لحالي أستكشف وألعب وبالحقيقة من عمر ال 4 شهور بتقدري تتركيني حاول لعب حالي بحالي
كمان فيكي تقرأيلي قصص ملونة وكتب فيها صور خاصة بعمري لو هبشتا وشقيتا شوي معلش بس أنا عم ألقط
فيكي تلعبيني بيكا بو وألعاب إشارة تانية معك أو مع المراية
كتير مهم تحكي معي وتغنيلي وتشجعيني أحكي فيومياً لازمتنا جلسات متة صباحية لنتبادل الحليب والنكد ونكوّن ذكريات ثرثرية بتطور من مهاراتنا
وكتير مهم كمان كل يوم نلعب رياضة التسطيح على البطن والرياضات التانية المناسبة لكل عمر نص ساعة باليوم ، هاد شي بقوّي وبسلي بنفس الوقت
اذا شفتيني جلق بحب ضل بحضنك ما ألعب إلا فيه فبتقدري تحطي حمالة وتحطيني فيها وكل ما اشتغلتي شي تشاركيني ياه هيييك حتى مل من الحمالة وارجع أعرف أنو ما الي غير لعب حالي بحالي
مع أنو ما كنت متمنى تبطلي تورجيني عهالشغلات الحلوة الغريبة بس هاد دماغنا لازم نكبرو ونطورو ، ما حابب أطلع لخالتو مصروع لا بس يعني بحبك أنتِ وخالتو 
كنت معكم سَماح صالح محمد
المصدر :
https://www.healthline.com/health/baby/baby-watching-tv
#BMA_MED