تويت
من التراث والموروث الشعبي......
اهو جالك يا بت .. اهو جالك يا بت
بكرة يأستك الاساتك
بالدهب تملى دراعاتك
ويعوض كل اللى فاتك
واهو جالك يا به ... ريح بالك يا به
الاش اش كل الشعرية
يا ما ناس منكادة ومهرية
والاش اش كل البسبوسة
ياما ناس متغاظة ومفروسة
اهو جالك يا به .. ريح بالك يا به
خدى بالك منه وهنيه
واللى يعوزه قوام اديه
واما يموت هاتورثيه
واهو جالك يا به .. ريح بالك يا به
اطبخيله الصبح بطة
واطبخيله العصر بطة
كترى يا بت الشطة
واهو جالك يا به .. ريح بالك يا به
اهو جالك من بعيد
جابلك فستان جديد
إعملى له حلة محشى
يسقط فيها ما يطلعشى
اهو جالك يا بت .... ريح بالك يابت
.....أغاني الأفراح في الدلتا
د. محمد حسن غانم
سلسلة الدراسات الشعبية - Published 2009
الهيئة العامة لقصور الثقافة - القاهرة