جبل القرنة:يعنى مقبرة الملك الذهبى توت عنخ امون - ابو صايل الهواري

اللى قدامك دى مش مجرد تضاريس✋
اللى قدامك دى أغلى وأثمن قطعة أرضية على كوكب الأرض.
اللى قدامك دى مش مجرد جبال✋
اللى قدامك دى أغلى كنوز سابتها مصر لأبنائها والإنسانية.
اللى قدامك دة رحم يخبئ فى أحشائه أعظم كنوز الحضارة المصرية القديمة??❤️??
تشاهد أمامك لقطة أكثر من رائعة للبر الغربى أو مايطلق عليه علماء المصريات إسم جبل القرنة اللى بيعتبر اغنى جبل أثرى فى العالم???

جبل القرنة يعنى اكتر من 850 مقبرة متنوعة لملوك وملكات وأفراد الحضارة المصرية القديمة منها اللى اكتشف ومنها اللى لسة بخيره تحت الأرض. ??

جبل القرنة يعنى جواه وحواليه اكتر من 11 معبد مصرى لمختلف ملوك وملكات قدماء المصريين. ??

جبل القرنة يعنى معبد دير شلويط وقصر الملك امنحتب ومعبد هابو ومقصورة تحوت ومعبد امنحتب الثالث. ??

جبل القرنة يعنى معبد مرنبتاح والرامسيوم ومعبد تحتمس الرابع يعنى الدير البحرى لحتشبسوت ومعبد سيتى الأول ومنتوحتب الثانى. ??

جبل القرنة يعنى مقابر وادى الملوك والملكات يعنى مقابر عمال دير المدينة يعنى مقابر الأشراف ومقابر العساسيف يعنى مقابر دراع أبو النجا وقرنة مرعى ومقابر باب الحجر بالطارف. ??

جبل القرنة يعنى مقبرة الملك الذهبى توت عنخ امون اللى طلع منها أغلى قطع أثرية بالعالم. ??

جبل القرنة يعنى مساحة تمتد لأكتر من 5 كيلومتر غربى المحافظة. ??

جبل القرنة يعنى بعثات داخلة وبعثات خارجة من امريكا واسبانيا وفرنسا وغيرهم كل سنة للبحث والتنقيب فى أجمل مكان شايل كنوز مصر كلها. ??

كل شبر فيكى يامصر بيحكى كتير اووى??❤️??

الناشط الاجتماعي ابو صايل الهواري
?