تويت
◾◾( اللي خلقنا مش هينسانا)
من 9 سنين كنت شغال في شركتي القديمة وكان فيه واحدة ست كبيرة اسمها ام مروة كانت بتقعد على فرشة جرجير وبصل اخضر وبقدونس ، كنت بشتري الفطار كل يوم واعدي عليها اخد منها حزمة جرجير أو حزمة بصل اخضر واديها جنيه أو اتنين جنيه ، كلام فاضي يعني ..
كنت مستغرب الست دي عايشة منين وبتصرف على عيالها منين والفرشة بتاعتها دي بكل اللي عليها مش هتجيب 50 جنيه على اخر اليوم ، دا غير انها ايام كتير اوي كانت بتروح بنص الخضار اللي معاها عشان ما اتباعش ودا طبعا كان بيترمي ..
الست دي كان على وشها رضا انا مشوفتش زيه على وش ناس مرتبهم في الشهر 100 الف جنيه ، وكان فيه جملة دايما على لسانها بترددها طول الوقت ، كانت تقول ( اللي خلقنا مش هينسانا ) طول الوقت تقول الجملة دي ، وتحس فعلا انها مصدقاها مش بتقولها بلسانها وخلاص ..
مرة سألتها انتي عندك ولاد غير محمد و مروة ( محمد كان شاب في سني أو أصغر مني بسنة وكان بينقل الخضار كل يوم الصبح لمكان الفرشة بتاعة أمه ) قالتلي فيه اتنين غيرهم ، فانا سكت ، ضحكت كدا وقالتلي كمل ، عايز تقولي بتصرفي عليهم منين ؟
قولتلها بصراحة اه ، مش هصدق ان فيه حد بيساعدك دا انتي عندك عزة نفس فظيعة وعمرك ما قبلتي حتى ربع جنيه بقشيش ..
قالتلي انا عندي بنت اتخرجت وولد في الجامعة وولد وبنت في اعدادي ، ابوهم مات من 10 سنين وسابهم في رقبتي ومكانش يحتكم على أي حاجة ، حتى قيراط الارض اللي كان حيلته اخوه ضحك عليه اكمنه مكانش بيعرف يفك الخط ومضاه على تنازل وخد مننا قيراط الارض بعد اخوه ما مات ..
قلت وايه يعني ، هما ولادي دول انا وللا ابوهم هنكون أحن عليهم من ربنا ، خليها على الله دا اللي خلقنا مش هينسانا ..
انا عليا السعي وهو اللي عليه الرزق ، بخرج كل يوم الصبح على الله وارجع معايه رزق عيالي والحمد لله اهي ماشية ، اوعى تصدق ان فيه ناس فقرا وناس أغنيا ، فيه ناس عبيد الأسباب ودول هيفضلوا فقرا وناس عبيد اللي بيسبب الأسباب ودول عمر الفقر ما هيعرفلهم طريق ..
بعد الموقف دا بشهر تقريبا كنت انا بلف حوالين نفسي عشان عايز أخطب ومش معايه فلوس الشبكة ..
عديت على أم مروة زي كل يوم لقيتها بتديني لفة كدا عبارة عن نص فطيرة مشلتتة ملفوفة في ورقة جرنان وقالتلي عقبال فرحك مروة اتجوزت اول امبارح ..
وكأنها قرت السؤال في عيني جاوبتني قبل ما اسال ، قالتلي والله العظيم واللي خلقني وخلقك يوم ما جالها عريسها ما كان عندي من جهازها معلقة ولا كوباية ولا كنت محوشة 100 جنيه على بعضها ، وهي عشان شايفة الحال بعينيها كانت عايزة ترفض العريس ، قولتلها لا ادخلي نامي دلوقتي واللي خلقنا مش هينسانا ، بكرا الصبح ان شاء الله ربنا هيحلها ، انا قلت كدا وانا مش عارفة هيحلها ازاي بس واثقة ومتأكدة انه هيحلها ، صليت العشا وبصيت للسما وقلت يا رب انت اللي عندك الحلول ، ابعتلي الحل ، يا رب مشكلتي مش كبيرة عليك ولا انا ليا غيرك وانا جيت وخبطت على بابك وانا عارفة انك مبتكسفش اللي يقف على بابك ..
ونمت وانا رامية حملي كله على الله ، الصبح الساعة 6 بالظبط لقيت باب البيت بيخبط تخبيط جامد اوي بفتح لقيت عم العيال ، استغربت ايه اللي جابه من البلد لحد هنا دلوقتي دا مسألش علينا من ساعة ما جوزي مات وهو سرق حقه ..
فتحتله الباب من هنا واترمى تحت رجلي على الأرض وقعد يبوس فيها ويقولي كلمة واحدة بس ، اصفحي عني .. اصفحي عني
قولتله مالك فيه ايه ، قالي امبارح بالليل اول ما حطيت راسي على المخدة شوفت في الحلم سياف اسود وكبير قد الحيطة ، وماسك في ايده سيف وبيقولي رجع لرابحة حقها بدل ما احش رقبتك ..
معرفتش انام تاني ومع ذلك فضلت طول الليل شايف صورته قدامي على السقف وصوته بيرن في ودني ، اول ما النهار طلع جيتلك جري ، سامحيني واصفحي عني ..
وراح مديني ظرف فيه 150 ألف جنيه ، قالي دا حق ولادك وبزيادة كمان .. وجوزت البت..
لما حكتلي الحكاية دي اتكسفت من نفسي اوي ..
من اسبوع كان فيه واحد صديقي مخرج محتاج شركة دعاية كويسة تسوقله شغله وطلب مني ارشحله حد ، انا مكنتش اعرف حد في مجال الاعلانات ، كلمت واحدة صديقتي بتشتغل في الاعلانات وطلبت منها ترشحلي حد ، بعتتلي لينك الاكونت بتاع شاب صاحب شركة اعلانات ناجحة جدا وشغالة ..
دخلت بروفايله أكلمه وشوفت صورته واتصدمت ..
الشاب اللي بقى عنده شركة اعلانات دا وما شاء الله ناجح ومكسر الدنيا يبقى محمد ابن ام مروة ..
كان حاطط صورته مع والدته وهما في العمرة ..
قلبت عنده شوية شوفت صورة بيته وعربيته ما شاء الله ربنا أكرمهم كرم واسع ..
بس اجمل حاجة شوفتها عند محمد ، الجملة اللي كان كاتبها في البايو بتاعه ( اللي خلقنا مش هينسانا )
تابع الصفحه ليصلك المزيد
من 9 سنين كنت شغال في شركتي القديمة وكان فيه واحدة ست كبيرة اسمها ام مروة كانت بتقعد على فرشة جرجير وبصل اخضر وبقدونس ، كنت بشتري الفطار كل يوم واعدي عليها اخد منها حزمة جرجير أو حزمة بصل اخضر واديها جنيه أو اتنين جنيه ، كلام فاضي يعني ..
كنت مستغرب الست دي عايشة منين وبتصرف على عيالها منين والفرشة بتاعتها دي بكل اللي عليها مش هتجيب 50 جنيه على اخر اليوم ، دا غير انها ايام كتير اوي كانت بتروح بنص الخضار اللي معاها عشان ما اتباعش ودا طبعا كان بيترمي ..
الست دي كان على وشها رضا انا مشوفتش زيه على وش ناس مرتبهم في الشهر 100 الف جنيه ، وكان فيه جملة دايما على لسانها بترددها طول الوقت ، كانت تقول ( اللي خلقنا مش هينسانا ) طول الوقت تقول الجملة دي ، وتحس فعلا انها مصدقاها مش بتقولها بلسانها وخلاص ..
مرة سألتها انتي عندك ولاد غير محمد و مروة ( محمد كان شاب في سني أو أصغر مني بسنة وكان بينقل الخضار كل يوم الصبح لمكان الفرشة بتاعة أمه ) قالتلي فيه اتنين غيرهم ، فانا سكت ، ضحكت كدا وقالتلي كمل ، عايز تقولي بتصرفي عليهم منين ؟
قولتلها بصراحة اه ، مش هصدق ان فيه حد بيساعدك دا انتي عندك عزة نفس فظيعة وعمرك ما قبلتي حتى ربع جنيه بقشيش ..
قالتلي انا عندي بنت اتخرجت وولد في الجامعة وولد وبنت في اعدادي ، ابوهم مات من 10 سنين وسابهم في رقبتي ومكانش يحتكم على أي حاجة ، حتى قيراط الارض اللي كان حيلته اخوه ضحك عليه اكمنه مكانش بيعرف يفك الخط ومضاه على تنازل وخد مننا قيراط الارض بعد اخوه ما مات ..
قلت وايه يعني ، هما ولادي دول انا وللا ابوهم هنكون أحن عليهم من ربنا ، خليها على الله دا اللي خلقنا مش هينسانا ..
انا عليا السعي وهو اللي عليه الرزق ، بخرج كل يوم الصبح على الله وارجع معايه رزق عيالي والحمد لله اهي ماشية ، اوعى تصدق ان فيه ناس فقرا وناس أغنيا ، فيه ناس عبيد الأسباب ودول هيفضلوا فقرا وناس عبيد اللي بيسبب الأسباب ودول عمر الفقر ما هيعرفلهم طريق ..
بعد الموقف دا بشهر تقريبا كنت انا بلف حوالين نفسي عشان عايز أخطب ومش معايه فلوس الشبكة ..
عديت على أم مروة زي كل يوم لقيتها بتديني لفة كدا عبارة عن نص فطيرة مشلتتة ملفوفة في ورقة جرنان وقالتلي عقبال فرحك مروة اتجوزت اول امبارح ..
وكأنها قرت السؤال في عيني جاوبتني قبل ما اسال ، قالتلي والله العظيم واللي خلقني وخلقك يوم ما جالها عريسها ما كان عندي من جهازها معلقة ولا كوباية ولا كنت محوشة 100 جنيه على بعضها ، وهي عشان شايفة الحال بعينيها كانت عايزة ترفض العريس ، قولتلها لا ادخلي نامي دلوقتي واللي خلقنا مش هينسانا ، بكرا الصبح ان شاء الله ربنا هيحلها ، انا قلت كدا وانا مش عارفة هيحلها ازاي بس واثقة ومتأكدة انه هيحلها ، صليت العشا وبصيت للسما وقلت يا رب انت اللي عندك الحلول ، ابعتلي الحل ، يا رب مشكلتي مش كبيرة عليك ولا انا ليا غيرك وانا جيت وخبطت على بابك وانا عارفة انك مبتكسفش اللي يقف على بابك ..
ونمت وانا رامية حملي كله على الله ، الصبح الساعة 6 بالظبط لقيت باب البيت بيخبط تخبيط جامد اوي بفتح لقيت عم العيال ، استغربت ايه اللي جابه من البلد لحد هنا دلوقتي دا مسألش علينا من ساعة ما جوزي مات وهو سرق حقه ..
فتحتله الباب من هنا واترمى تحت رجلي على الأرض وقعد يبوس فيها ويقولي كلمة واحدة بس ، اصفحي عني .. اصفحي عني
قولتله مالك فيه ايه ، قالي امبارح بالليل اول ما حطيت راسي على المخدة شوفت في الحلم سياف اسود وكبير قد الحيطة ، وماسك في ايده سيف وبيقولي رجع لرابحة حقها بدل ما احش رقبتك ..
معرفتش انام تاني ومع ذلك فضلت طول الليل شايف صورته قدامي على السقف وصوته بيرن في ودني ، اول ما النهار طلع جيتلك جري ، سامحيني واصفحي عني ..
وراح مديني ظرف فيه 150 ألف جنيه ، قالي دا حق ولادك وبزيادة كمان .. وجوزت البت..
لما حكتلي الحكاية دي اتكسفت من نفسي اوي ..
من اسبوع كان فيه واحد صديقي مخرج محتاج شركة دعاية كويسة تسوقله شغله وطلب مني ارشحله حد ، انا مكنتش اعرف حد في مجال الاعلانات ، كلمت واحدة صديقتي بتشتغل في الاعلانات وطلبت منها ترشحلي حد ، بعتتلي لينك الاكونت بتاع شاب صاحب شركة اعلانات ناجحة جدا وشغالة ..
دخلت بروفايله أكلمه وشوفت صورته واتصدمت ..
الشاب اللي بقى عنده شركة اعلانات دا وما شاء الله ناجح ومكسر الدنيا يبقى محمد ابن ام مروة ..
كان حاطط صورته مع والدته وهما في العمرة ..
قلبت عنده شوية شوفت صورة بيته وعربيته ما شاء الله ربنا أكرمهم كرم واسع ..
بس اجمل حاجة شوفتها عند محمد ، الجملة اللي كان كاتبها في البايو بتاعه ( اللي خلقنا مش هينسانا )
تابع الصفحه ليصلك المزيد